2019 රාජ්‍ය සාහිත්‍ය සම්මාන ලද කෘති

 ඡායාරූපය:

2019 රාජ්‍ය සාහිත්‍ය සම්මාන ලද කෘති

2019 රාජ්‍ය සාහිත්‍ය සම්මාන උලෙළ පසුගිය සැප්තැම්බර් 13 වෙනිදා කොළඹ බණ්ඩාරනායක ජාත්‍යන්තර සම්මන්ත්‍රණ ශාලාවේදී උත්කර්ෂවත් අන්දමින් පැවැත්විණි. එහිදී සිදු වූ සුවිශේෂ දෙයක් වූයේ 2018 වසරේ නිර්මාණ බිහි කළ සාහිත්‍යවේදීනට අමතරව මෙරට සාහිත්‍ය ක්ෂේත්‍රයට විශිෂ්ට සේවයක් කළ සාහිත්‍යධරයන්ද ජනපති මෛත්‍රීපාල සිරිසේන මහතා අතින් ඇගයීමය. ඒ අනුව සිංහල, ඉංග්‍රීසි හා දෙමළ මාධ්‍ය සාහිත්‍ය නිර්මාණකරුවන් තිදෙනෙක් ජීවිතයේ එක්වරක් පමණක් පිදෙන සාහිත්‍ය රත්න ගෞරව සම්මානයෙන් ඇගයිණි. ඡායාරූපයේ දැක්වෙන්නේ මහාචාර්ය වෝල්ටර් මාරසිංහ එසේ ජනාධිපතිතුමා අතින් සාහිත්‍ය රත්න ත්‍යාගයෙන් ඇගයෙන අයුරුය. එහිදී දෙමළ මාධ්‍යය වෙනුවෙන් අයියතුරෛ සාන්තන් මහතාද ඉංග්‍රීසි මාධ්‍යය වෙනුවෙන් කමලා විජයරත්න මහත්මියද එම සම්මානයෙන් පිදුම් ලැබූහ.

හොඳම සිංහල නවකතාව - විරාජිනී තෙන්නකෝන්ගේ ‘මකරානන්දය’

හොඳම ඉංග්‍රීසි නවකතාව - එල්මෝ ජයවර්ධනගේ Kakiyan

හොඳම දෙමළ නවකතාව - එස්.ඒ. උදයන්ගේ ‘අලුවාකරෛ’

හොඳම කාව්‍ය සංග්‍රහය - නන්දන වීරසිංහගේ ‘ක්ෂණ නියාම’

හොඳම කෙටිකතා සංග්‍රහය - පියසීලි විජේමාන්නගේ ‘මනුස්ස යන්තර’

හොඳම ගීත රචනා කෘතිය - නයනසේන වන්නිනායකගේ ‘තිසා වැව ළඟ රළපනාවේ’

හොඳම නාට්‍ය කෘතිය - රාජිත දිසානායකගේ ‘නැතුව බැරි මිනිහෙක්’

හොඳම සිනමා හා රූපවාහිනී නිර්මාණ කෘතිය - ටෝනි රණසිංහගේ ‘පවුරු වළලු’

හොඳම ශාස්ත්‍රීය හා පර්යේෂණ කෘතිය - ලේල්වල ආරියධම්ම හිමියන්ගේ ‘මහාසමය සූත්‍රය හා සමයාන්තර දේව සංකල්ප’

හොඳම යොවුන් සාහිත්‍ය කෘතිය - රංජිත් ධර්මකීර්තිගේ ‘පසු නොබසිමි’

ළමා සාහිත්‍ය කෘතිය - පළමු කාණ්ඩයෙන් තනූජා එන්. අයගමගේ ‘හරි පුදුමයි හරි පුදුමයි’, දෙවන කාණ්ඩයෙන් කාන්ති සමරදිවාකරගේ ‘මුට්ටිගෙදර’

හොඳම විද්‍යා ප්‍රබන්ධය - සුසිත රුවන්රාගේ ‘එක්ස්’

හොඳම විවිධ විෂයක කෘතිය (පරිවර්තන) කේ.එන්.ඕ. ධර්මදාස පරිවර්තනය කළ ‘ඩී.එස්. ශ්‍රී ලංකාවේ ප්‍රථම අග්‍රාමාත්‍ය’ද එහි සමාජ ශාස්ත්‍ර කෘතිය ලෙස ගාමිණී සමරනායක ලියූ ‘දේශපාලන හා සමාජ චින්තනය’ කෘතියද එහි මානව ශාස්ත්‍ර කෘතිය ලෙස සේන තෝරදෙනිය ලියූ ‘පේරාදෙණි ගුරුකුලය උපත, නැඟීම හා බිඳ වැටීම’

හොඳම පරිවර්තන නවකතාව - නිලූක කදුරුගමුව පරිවර්තනය කළ ‘රන් වරලැති ලිය’

හොඳම පරිවර්තන කෙටිකතා කෘතිය - උපුල් රංජිත් හේවාවිතාන විසින් පරිවර්තිත ‘ප්‍යාරියා පිස්සු වැටුණේය’

පරිවර්තිත පද්‍ය කෘතිය - පරාක්‍රම කොඩිතුවක්කු විසින් පරිවර්තිත ‘යැන්සි කාව්‍ය නදී’

හොඳම පරිවර්තිත නාට්‍ය කෘතිය - ආරිය රාජකරුණා විසින් පරිවර්තිත ‘මධ්‍යකාලීන ජපන් නෝ නාට්‍යය’

හොඳම පරිවර්තිත යොවුන් කෘතිය - චිත්‍රා අමරසේකර විසින් පරිවර්තිත ‘අමාවක නිමා වී’

හොඳම පිටකවර නිර්මාණය - සමන් ඉන්දික ලොකුකුළුගේ නිර්මාණය කළ සුසර ප්‍රකාශනයක් වූ ‘අවසන් කුංචනාදය’

මාතෘකා